Misioni i Bashkimit Evropian për Sundimin e Ligjit në Kosovë (EULEX) ka rritur nivelin e gatishmërisë pas betimit të kryetarëve të sapozgjedhur në katër komuna në veri të Kosovës.
“Misioni i Bashkimit Evropian për Sundimin e Ligjit në Kosovë (Eulex) po ndjek nga afër ngjarjet në veri të Kosovës përmes pranisë së Njësisë së Specializuar të Policisë dhe Njësisë së Specializuar të Policisë Rezervë, si dhe të këshilltarëve tanë të lartë policor dhe personelit tjetër të pranishëm. në atë zonë, në koordinim të ngushtë me Policinë e Kosovës dhe KFOR-in”, thuhet në përgjigjen e EULEX-it për Tanjug.
Ndërkaq, nënkryetari i Listës Serbe, Igor Simiç, në një konferencë për media të premten, ka thënë se me dhënien e betimit të kryetarit të ri të Mitrovicës së Veriut, Erden Atiq nga Lëvizja Vetëvendosje, “filloi zyrtarisht pushtimi i veriut e do të përfundojë kur të vendosin serbët”.
Simiq i ka dhënë afat kryeministrit të Kosovës, Albin Kurti, deri më 1 qershor për të “ndaluar represionin, shpronësimin, arrestimin, persekutimin dhe sulmet ndaj serbëve”./abcnews.al
