Flamurtari dhe Skëndeërbeu u përballën mes tyre në Vlorë, në një ndeshjë që u mbyll me rezultatin e barabartë 1-1. Bregu shënoi për korçarët, ndërkohë që iu kundërpërgjigj Sukaj për vlonjatët. Raste të shumta, një pikë e marrë që e lë Flamurtarin në vendin e fundit me tre pikë. Skënderbeu shkon në kuotën e 14 pikë, duke mos mundur të ngushtojë diferencën me rivalët që ndodhen në pozicionet e sipërme të tabelës.
NDESHJA – Një sfidë e hapur që në fillim, me raste të shumta në të dyja portat. Sulmuesi shkodran, Xhevahir Sukaj, mund të kishte shënuar që në minutat e para, pasi doli i vetëm me Koliçin dhe e çoi topin pak centimetra me portën.
Otto John më pas kishte një rast për Skënderbeun, por pa sukses. Në minutën e 23-të nuk fali me Dejvi Bregun. Vlonjati shfrytëzoi një gabim në mbrojtje të vlonjatëve dhe i vetëm me Moçkën realizoi dhe nuk festoi. Ndecky mund të kishte shënuar edhe të dytin, por Sarris dhe Moçka e ndalën në dy raste.
Në minutën e 41-të erdhi goli i barazimit, me Sukajn që shfrytëzoi një krosim dhe e dërgoi topin në rrjetë. Raste të shumta deri në fund të pjesës së parë, më flagranti me Gripshin. Moçka nuk e lejoi të pësonte të dytin dhe 45 minutat e para u mbyllën në barazim 1-1.
Loja vijon e njëjtë, me raste nga trë dyja krahët. Flamurtari ishte aktiv dhe Sukaj provoi që në fillim me një roveshatë. Në të 63′ Vatnikaj kishte mundësinë më të mirë për të kaluar kuqezinjtë në avantazh, por portieri Koliçi ishte vendimtar me grushtimin e tij.
Tre minuta më pas ishte radha e Moçkës që në dy raste ndali sulmuesin Otto John, ndërkohë që Flamurtari u kundërpërgjigj me Ribajn. Ky i fundit goditi jashtë kuadratit. Ritmi në fund nisi të bënte, lodhja te të dyja ekipet u ndje dhe raste të rrezikshme pati vetëm në minutat shtesë, me Bregun që humbi një rast i vetëm me Moçkën dhe Sukajn që e dërgoi topin mbi traversë. Në fund gjithçka u mbyll në barazim 1-1.
KATEGORIA SUPERIORE – JAVA 10
E hënë, më 28 tetor, ora 18:00
Stadiumi “Flamurtari”, Vlorë
Flamurtari-Skënderbeu 1-1
Shënues: Sukaj 41′ / Bregu 23′
Flamurtari: Moçka, Qarri, Sarris (Mema 74′), Zeqaj, Pjeshka, Rrapaj, K. Nebihu, Hoxhaj (Haruni 80′), Ribaj (Nika 86′), Sukaj, Vatnikaj. Trajner: Luan Birçe
Skënderbeu: Koliçi, Meksi, Dita, Pollozhani, Pëllumbi, Daja, Taipi (Elezi85′), Gripshi, Ndecky (Muja 68′), Bregu, Otto John. Trajner: Ilir Daja
Gjyqtarë: Orlando Kuka, Alfred Shkreta, Orgest Grabova, Emirjon Sino
Kartonë të verdhë: Sukaj 65′, Ribaj 78′
/abcnews.al
