Teuta luan ndeshjen e jetës të enjten, kundër Shamrock Rovers. Durrsakët do tentojnë të përmbysin humbjen 0-1 që pësuan në Irlandë, në mënyrë që të kualifikohen në play-off të Conference League.
Ditën e sotme klubi i Teutës ka dalë me njoftim në lidhje me biletat, çmimet e të cilave variojnë nga 300 në 1000 lekë. Ndeshja luhet në “Elbasan Arena”.
Biletat në tribunën VIP do të kushtojnë 1000 lek, njoftojnë durrsakët, kurse në tribunat qendrore A1, A2, A3, A4 dhe B1, B2, B2, B3, B4, B5 kushtojnë 500 lek.
E hapur do të jetë edhe tribuna përkarshi, E, dhe biletat për atë sektor kushtojnë 300 lek. Shitja e tyre do të vazhdojë të mërkurën, nga ora 16:00 deri në orën 20:00 në biletarinë pranë stadiumit “Niko Dovana”.
Të enjten, pra ditën e ndeshjes, prej orës 10:00 nis shitja e biletave edhe në biletarinë pranë stadiumit “Elbasan Arena”. /abcnews.al
View this post on Instagram
