Shumë futboll në Shqipëri ditën e sotme. Sektori i Garave në FSHF ka programuar të zhvillohen katër ndeshje në Superiore dhe tetë në Kategorinë e Parë. Në elitën e futbollit shqiptar janë disa ndeshje mjaft interesante, me Bylisin që në orën 14:00 do tentojë fitoren me Luftëtarin dhe të ruajë hapin e Teutës kryesuese. Detyrë shtëpie.
Prej orës 17:00 luhen tre takimet e tjera. Në Shkodër duan të “hakmerren” ndaj Partizanit, pasi para dy vitesh e fajësuan për rënien në Kategorinë e Parë. Vllaznia është e motivuar edhe prej rezultateve të mira, ndaj edhe pritet një ndeshje mjaft e luftuar.
Në Korçë Skënderbeu pret Kukësin. Verilindorët synojnë të bëjnë kthesën, pas humbjes me shkodranët në kampionat. Sfidë mjaft interesante është ajo që zhvillohet në kryeqytetet, mes Tiranës dhe Laçit. Kurbinasit kanë shkarkuar Sulejman Starovën dhe në vend të tij është emëruar Armando Cungu. Kjo përballje do të luhet pa praninë e publikut.
KATEGORIA SUPERIORE – JAVA 8
E shtunë, më 19 tetor 2019
Ora 14:00 | Luftëtari-Bylis
Ora 17:00 | Tirana-Laçi
Ora 17:00 | Vllaznia-Partizani
Ora 17:00 | Skënderbeu-Kukësi
Në grupin A të Kategorisë së Parë është veçuar ndeshja Shkumbini-Kastrioti, që do të transmetohet në TV. Kjo përballje nis prej orës 13:00, kurse takimet e tjera një orë më pas. Korabi kryesues ka një transfertë të vështirë me Burrelin, që në stol do të ketë debutuesin Alert Alcani.
Besëlidhja që do kreun luan në Pukë me Tërbunin, kurse Veleçiku i vendit të fundit pret Egnatian. Rrogozhinasit shkojnë në këtë transfertë me synim marrjen e pikëve të plota. Interesante sfida Dinamo-Erzeni. Blutë, tashmë me trajner italian, janë akoma në kërkim të fitores së parë.
KATEGORIA E PARË – JAVA 5
E shtunë, më 19 tetor 2019
GRUPI A
Ora 13:00 | Shkumbini-Kastrioti
Ora 14:00 | Veleçiku-Egnatia
Ora 14:00 | Tërbuni-Besëlidhja
Ora 14:00 | Burreli-Korabi
Ora 14:00 | Dinamo-Erzeni
Në grupin B vëmendja do të jetë në Cërrik, ku Turbina vendase pret Devollin kryesues. Skuadra e Stavri Nicës ka treguar se do të jetë një kockë e fortë për të gjithë dhe synon pikë edhe në këtë transfertë. Besa do tentojë t’i afrohet kreut.
Kavajasit luajnë me Ilirinë në Fushë-Krujë dhe do tentojë fitoren. Gjithsesi edhe skuadra e drejtuar nga Fatmir Sala ka objektivat e veta dhe mbijetesa arrihet pikërisht me fitoren në shtëpi. Ndeshje tjetër e programuar për sot është Shënkolli-Apolonia. Lezhjanët janë skuadra e vetme që nuk kanë marrë fitore në katër javët e para, por ndaj fierakëve pretendentë për kreun do të jetë e vështirë.
GRUPI B
Ora 14:00 | Turbina-Devolli
Ora 14:00 | Iliria-Besa
Ora 14:00 | Shënkolli-Apolonia
/abcnews.al
