Prej mbrëmjes së të dielës, me mijëra besimtarë bektashinj nisin pelegrinazhin në malin e Tomorrit.
Tradita përkon me festën e Abaz Aliut dhe pelegrinazhi zgjat pesë ditë, gjatë të cilave besimtarët bektashinj kryejnë ritet fetare. Mes tyre spikat therja e bagëtive, të sjella nga vetë pelegrinët, si simbol kurbani.
Sipas legjendës, Abaz Aliu është protagonisti i Betejës së Qerbelasë. Në krahun lindor të malit të Tomorrit, në lartësinë 2400 metra mbi nivelin e detit, gjendet teqeja e Abaz Aliut, vendi i adhurimit ku mblidhen besimtarët bektashinj, gjatë pelegrinazhit të muajit gusht.
Teqeja është shpallur monument kulture në vitin 2008. /abcnews.al
