Pas disa javësh tension në parlament, me djegie karrigesh, zhurmës rreth foltores apo përplasjeve me gardistët, demokratët duket se po shkojnë drejt zbutjes së aksionit të tyre. Kreu i PD-së, nga izolimi në shtëpi, këtë të premte foli për betejë në Parlament për pensionet.
“Beteja jonë në parlament do jetë vendosja e minimumit jetik 200 euro për çdo shqiptar dhe mbi këtë minimum rritjen e pensioneve në varësi të ditëve të punës dhe invaliditetit.”
Por sërish demokratët nuk do të heqin dorë nga aksioni i tyre në rrugë për krijimin e qeverisë teknike.
“Kombinimi i të gjithave, nuk mundet të hiqet dorë nga mosbindja civile, deri sa qyteraët të votojnë si qytetarë të lirë.”
Të martën e javës që vjen, opozitarët kanë aksionin e tyre të dytë në rrugë, me planin e bllokimit të disa aksteve kryesore të vendit.
“Plani B dhe A është mosbindja civile, qeveri teknike.”
