Loading ...
Anëtari i Lidhjes Demokratike të Kosovës (LDK), Berat Rukiçi, njëherësh ish-kryetar i Odës Ekonomike të Kosovës, ka reaguar pas mbylljes së “Vita”, duke kritikuar ashpër qasjen e institucioneve ndaj bizneseve vendore.
Rukiqi tha se ndërhyrjet e tilla, sipas tij, pa bazë dhe pa fakte, dëmtojnë ekonominë dhe rrezikojnë vendet e punës.
“Me sulmu prodhuesit vendorë pa asnjë bazë, pa fakte dhe pa përgjegjësi, është një veprim i papranueshëm që dëmton ekonominë dhe vendet e punës”, ka deklaruar Rukiqi.
Ai theksoi se “Vita” përfaqëson një nga prodhuesit më të rëndësishëm në rajon dhe një simbol të investimeve vendore.
“‘Vita’, si prodhuesi më i madh i qumështit në rajon, është simbol i prodhimit vendor cilësor, i investimeve dhe i punës së mijëra njerëzve”, shtoi ai.
Sipas Rukiqit, institucionet shtetërore duhet të kenë kujdes në veprimet e tyre dhe të mos krijojnë pasiguri për sektorin privat, pasi kjo, siç tha ai, ndikon drejtpërdrejt në klimën e biznesit dhe ekonominë e vendit.
