Berat, arrestohet shoferi i mikrobusit, u plagosën 10 nxënës

Policia e Skraparit arrestoi mëngjesin e sotëm shoferin e mikrobusit që u përmbys në anë të rrugës e për pasojë dhjetë nxënës u plagosën. Ai është Astrit Hysi 52 vjeç nga Vërzhezhë e Skraparit dhe akuzohet për shkelje te rregullave te qarkullimit. Arrestimi i tij u bë pasi në rrugën dytësore Vërzhezhë –Çorovodë në vendin e quajtur Kthesa e Minos, duke drejtuar mjetin tip benz autobus, humbi kontrollin dhe doli nga rruga duke u përmbysur në përrua. Në mjet ndodheshin 25 nxënës, dhjetë u plagosën, një prej tyre në gjendje më të rëndë, e shtruar në spitalin e Traumës në Tiranë. /abcnews.al