Belen Rodriguez ka mirëpritur fëmijën e saj të dytë mbrëmjen e djeshme. Showgirl-i argjentinas e konfirmoi lajmin përmes një postimi në rrjete sociale ndërsa publikoi dhe foton e parë të vajzës, të cilën e ka pagëzuar me emrin Luna Mari.
“Dikush që ka lindur tani”, shkroi Belen krahas fotos. Edhe partneri i saj, Antonio Spinalbese, publikoi një foto të vajzës së tij në rrjete sociale, duke e shoqëruar me fjalët prekëse: “Unë do të të pushtoj çdo moment, sepse ke … aromën e lumturisë.”
Belen është fejuar me Antonion verën e kaluar. Ylli i njohur televiziv është gjithashtu nëna e një djali 6-vjeçar, Santiagos, fryt i historisë nga martesa me Stefano De Martino. /abcnews.al
