Presidenti Bajram Begaj priti këtë të martë në një takim të Ngarkuarin me Punë të Shteteve të Bashkuara në Tiranë, David Wisner. Presidenca njofton se gjatë takimit, kreu i shtetit rikonfirmoi angazhimin e palëkundur të Shqipërisë ndaj partneritetit strategjik me Shtetet e Bashkuara.
Presidenti Begaj theksoi gjithashtu rolin kyç të SHBA-së në konsolidimin e demokracisë në Shqipëri. Në këtë kuadër, Presidenti Begaj e konsideroi thelbësore mbështetjen e Shteteve të Bashkuara në rritjen e efikasitetit në luftën kundër krimit të organizuar dhe korrupsionit në vendin tonë./abcnews.al
