Befason Guardiola: Sot treguam pse jemi ne kampionët!

schedule20:42 - 10 Nëntor, 2019

schedule 20:42 - 10 Nëntor, 2019

Trajneri i Manchester Cityt, Pep Guardiola, i ka thurur elozhe skuadrës së tij, edhe pse u mposhtën 3-1 nga skuadra e Liverpool. Pas ndeshjes, trajneri spanjoll foli për Sky Sport, ku mes të tjerash tha:

“Mënyra si luajti skuadra ime në këtë stadium të vështirë ishte e pabesueshme. Jam shumë krenar për ta, shumë krenar. Bëmë një ndeshje të shkëlqyer.

VAR? Nuk ka asnjë kuptim të ankohem tani. Pyesni gjyqtarët nëse ishte penallti apo jo. Pyesni gjyqtarët! Pyesni Mike Riley dhe ata që janë në dhomën e VAR. Mua më pyesni për skuadrën time, që luajti në mënyrë të shkëlqyer. Kjo ishte një ndër ndeshjet më të mira që skuadra ime ka luajtur.

Kishim shumë dëmtime, por skuadra luajti me kokën lart dhe tregoi pse dy vitet e fundit jemi ne kampionët e Anglisë. Nëse Liverpool e fiton titullin, do të jem i pari për t’i përgëzuar”, tha Guardiola./abcnews.al