I ndodhur vetëm 22 km larg nga qyteti i Pogradecit fshati Lin është një prej destinacioneve më të kërkuara në juglindje të vendit.
Ajo që e bën të veçantë për turistët vendas dhe të huaj është bazilika e cila ndodhet mbi fshat. Gjergji Koki Drejtori i drejtorisë së monumenteve në Korçe tha se nën udhëheqjen e arkeologut Agron Islami po kryejnë restaurimin e elementëve të munguar të “Narteksit”.
“Gjithë këto punime që janë në proces synojnë në riformulimin e të gjithë elementëve të munguar të mozaikut”, tha ai.
Sipas specialistëve kjo bazilikë paleokristiane e Linit i përket shekujve IV-V, të periudhës së sundimit të perandorit romak Justinian.
Për ndërtimin e mozaikëve janë përdorur gurë të vegjël në formë kubikësh me përbërje gëlqerore, mermeri, ata prej tulle apo kubiket prej brumi qelqi teksa për nga mënyra e kompozimit nuk hasen në asnjë bazilikë tjetër jo vetëm në vendin tonë por edhe më gjerë. /abcnews.al
