“Nuk mund t’i ofrosh popullit shqiptar të njëjtën “pjatë supe “pas 34 vitesh”, kështu u shpreh kreu i LZHK Dashamir Shehi në një intervistë në “News Line” në ABC News, ndërsa foli për aksionin opozitar.
Gjatë kësaj interviste, Shehi nënvizoi se qëllimi i opozitës është të mundë qeverinë, duke shtuar se kanë për synim që t’i ofrojnë qytetarëve mundësinë e listave të hapura. Ai theksoi se PD vazhdon të jetë e përçarë, dhe kjo sipas tij nuk e ndihmon aspak opozitën.
“Qëllimi opozitar është të mundim qeverinë, pastaj raportet se kë preferon populli këtë do ta tregojnë zgjedhjet. Uroj të jemi bashkë dhe të dalim fitimtar. Të mos ketë edhe një hutim të popullt. Përse opozita nuk mund të ketë. Por ky ligj që e bëri Rama me Berishën, gjithsesi ne do të mundohemi t’i ofrojmë qytetarëve një listë të hapur. Të zgjidhi edhe personazhin, se kë ka deputet se çfarë kontribuuesi është. Tezat që të përçahet opozita janë sajesa të atyre që duan ta mbajnë në kontroll opozitën. Nuk mund të ketë rrugë tjetër përveç bashkëpunimit. Nuk mund t’i ofrosh popullit shqiptar pas 34 vitesh të njëjtën pjatë supe. Shqiptarët kanë të drejtë të zgjedhin dhe të shohin personazhe të rinj. Ne për SPAK mendojmë ndryshe, për marrëdhënie ndërkombëtare mendojmë krejt ndryshe. Pra ka shumë gjëra që na ndajnë. Linja jonë kjo është, ne po mundohemi të zgjerojmë këtë aleancë që kemi bërë dhe të futen që gjithë linjat opozitare”, tha mes të tjerash Shehi.
/abcnews.al/
