Bashkia e Selenicës largon 66 punonjës, Binaj: U kishte përfunduar kontrata

schedule14:13 - 20 Gusht, 2019

schedule 14:13 - 20 Gusht, 2019

Në Bashkinë e Selenicës janë larguar 66 punonjësit e parë. Kryetari i porsaemëruar Pellumb Binaj, ka nënshkruar për shkarkimin e 66 punonjësve të kësaj njësie vendore.

Ata shërbenin në sektorin e shërbimeve publike, kryesisht në pastrim dhe gjelbërim. Binaj ka thënë se kjo ndërprerje kontrate me 66 punonjësit është bërë në bazë të urdhrit të Kontrollit të Lartë të Shtetit.

Sipas Binajt, në Janar të këtij viti, raporti i KLSH-së ka vërejtur se për 66 punonjës të Bashkisë së Selenicës, me kontratë të pjesshme dhe që paguheshin me vetëm 12 mijë lekë të rinj në muaj, nuk zbatohej ligji mbi Kodin e Punës.

Binaj tha se urdhri i KLSH-së nuk ishte zbatuar sipas kërkesës së KLSH-së, që kishte caktuar afat ndërprerjen e kontratave deri në muajin Mars të 2019-s./ABC News Albania 24/7