Lideri i Opozitës Lulzim Basha ka mbledhur ekspertët për Reformën Zgjedhore, ku po diskuton me ta për pikën e fundit që ende nuk është rënë dakord të pranohet nga drafi i propozuar nga ambasadorja Yuri Kim.
PD duket se është në fazën fundit të dakordësisë, është një marrëveshje ku palët janë investuar.
Lexo edhe: Reforma Zgjedhore, Soreca mbledh në zyrën e tij ambasadorët
Gazetari Juxhin Mustafaraj tha për “ABC News” se tashmë duket se ka një dakordësim për çështjet e nxehta si ajo e identifikimit të zgjedhësve. Ndërkohë në vijim pritet të shihet edhe ecuria e këtij takimi.
Ndërkohë një ditë më parë Ambasadorja e SHBA Yuri Kim përgëzoi mazhorancën dhe tha se ka ardhur koha për opozitën dhe Lulzim Bashën që të barazpeshojë të gjithë faktorët dhe të thotë “PO” për popullin shqiptar dhe të thonë “PO” për Shqipërinë.
