Lidhur me shembjen e Teatrit Kombëtar, kryedemokrati Lulzim Basha tha në Abc News se synimi i vetëm i Edi Ramës ishte rrëmbimi i truallit të Teatrit.
Basha akuzoi kryebashkiakun e Tiranës Erion Veliaj se po i shërben mafies si një levë qorre e kryeministrit.
“Po të kishim dashur ta shfrytëzonim si kapital politik nuk do e mbronim me trupat tanë. Është hera e parë që bashkë me teatrin bie dhe maska e regjimit. Mbreti sot është lakuriq.
Akti i tij ka ngritur një stuhi revolte. Ky njeri ka pasur një qëllim të vjedhë tokën e teatrit ndërsa në planin e Bulevardit të ri ka pasur disa pole dhe një prej tyre ka pasur hapësirë edhe për një teatër multimodern.
Teatrin e shembi Rama, Veliaj është një levë qorre e tij dhe kryebetonieri i mafies. Unë nuk e shoh parlamentin, ai është një landfilli i Republikës. Aty ka njerëz që u blenë dhe joshën
Ke një qeveri që blen gjithçka. Në parlament janë të gjithë plehrat e kombit”, tha Basha./abcnews.al
