Lulzim Basha uroi shqiptarët për ditën e verës nga Elbasani. Pasi vizitoi panairin e përvitshëm në qendër të qytetit, kreu i opozitës takoi dhe përshëndeti qytetarët elbasanllinj.
Kreu i Partisë Demorkatike vizitoi kryeqytetin e ditës së Verës, Elbasanin. Si çdo vit kryeopozitari Basha vizitoi panairin e qytetit ku elbasanllinjtë reklamojnë produktet e tyre. Ndër ta, veçoi kë i la përshtypje.
“Dua t’ju uroj nga zemra të gjithë sipërmarrësve, tregtarëve të cilët paraqesin punët e tyre në panair. Jam impresionuar nga të gjitha punimet e dorës të të gjitha zonjave shtëpiake. Gjithashtu jam i impresionuar që në Elbasan ndodhet një nga fabrikat më të mëdha të prodhimi të paneleve fotovoltaike për prodhimin e energjisë. Këto sektorë meritojnë mbështetje nga shteti. Gëzuar Ditën e Verës të gjithë qytetarëve të Elbasanit dhe të gjithë shqiptarëve. Ashtu siç çelin lulet në pranverë, çeltë shpresa dhe optimizmi në zemrën e shqiptarëve”, u shpreh Basha.
Kreu i opozitës Basha më pas takoi dhe përshëndeti qytetarët i shoqëruar nga bashkëshortja Aurela dhe deputetë të zonës në një ecje në rrugët e Elbasanit./abcnews.al
