Kanë kaluar 27 vjet nga 22 Marsi i viti 1992 datë që për shqiptarët njohën fundin e komunizmit dhe fillimin e demokracisë. Nëse e kthen kokën pas për kryetarin e Partisë Demokratike Lulzim Basha të gjithë u bënë bashkë atë ditë.
“Njerëzit u bashkuan me të vetmen dëshirë dhe ëndërr: lirinë për të ndërtuar një jetë më të mirë, lirinë për të lëvizur, lirinë për arsim, lirinë për biznes, lirinë për t’u shprehur, lirinë për të zgjedhur e për tu zgjedhur”.
Por ky udhëtim 27 vjeçar drejt lirisë dhe Evropës demokratike me arritjet dhe dështimet e tij, ka qenë i dhimbshëm dhe plot sakrifica shkruan kreu demokrat në mesazhin e tij në rrjetet sociale.
“Sot Shqipëria po na thërret përsëri sepse rruga jonë drejt lirisë dhe Evropës është në udhëkryq! Është në dorën tonë ta përmbyllim atë duke ndërtuar edhe në Shqipëri sistemin e vlerave të vërteta europiane!”.
Ndër dëshmitarët kryesor të asaj dite, ish-kryeministri Sali Berisha e ri-sjell me një video ku ai vetë ka mbajtur një fjalim para shqiptarëve.
“Gëzuar ditën e parë të Demokracisë, ditën që ndau epokat dhe shkëputi shqiptarët nga regjimi me barbar i Evropës është urimi që bën Sali Berisha 27 vjet më pas”./abcnews.al
