Sulmuesi i Leganes, Martin Braithwaite, pritet që të kalojë brenda ditës së sotme tek Barcelona. Mesa duket është ai i përzgjedhuri nga klubi katalanas për sulmuesin e dëmtuar, Ousmane Dembele. Barça pritet të paguajë klauzolën e Martin , por Leganes do të humbasë shërbimet e sulmuesit kryesor të ekipit.
Sapo transferimi të bëhet zyrtarë, klubi i Leganes do ti kërkojë La Ligas nëse ata mund të gjejnë një zëvendësues për danezin. Rregullorja aktuale nuk e lejon këtë veprim, pasi mënyra e vetme është në rast se lojtari do të qëndrojë jashtë fushave për një kohë të gjatë.
Braithwaite është një nga lojtarët kryesorë të Leganes, që lufton për mbijetesë në La Liga. Aktualisht klubi spanjoll renditet në vendin e 19 me 19 pikë dhe rrezikon zbritjen në një kategori më poshtë. Sulmuesi shikohej si shpresa e vetme për të qëndruar mes më të mirëve dhe në rast të largimit të tij, Leganes do të kërkojë një zëvendësues me patjetër. /abcnews.al
