Banoret në periferi të Fierit kanë kërkuar që bashkia të ndërhyjë në rrugën e tyre. Gjendja e saj është shumë e rëndë, me gropa dhe baltë. Banorët thonë se në territorin e tyre nuk bëhet asnjë investim dhe bëjnë jetë të vështirë, pa kanalizime dhe ndriçim. Ndërkohë nga Bashkia e Fierit thuhet se zona është duke u studiuar që nga Qenasi, Afrimi e deri në Mbrostar Ferko. Kur projekti të përfundojë do të nisë dhe investimi, ku përfshin riparimin e rrugëve, hapësirat e gjelbëruara dhe ndriçimin./abcnews.al
