Një bandë kriminale u përpoq të vidhte kultivuesit rivalë të kanabisit duke sulmuar një ndërtesë që përmbante 550 bimë të paligjshme kanabisi.
Rrëmuja në ish-kafenenë shisha në Rolleston Street, Spinney Hills, alarmoi policinë, e cila gjeti një armë gjahu me dy tyta në vendin e ngjarjes.
Dy nga kopshtarët e kanabisit, Orland Ali, 24 vjeç dhe Xhelai Islami, 45 vjeç, u arrestuan në tentativë për të ikur nga vendi i ngjarjes, në orët e para të së Dielës më 31 janar të këtij viti.
Aliu kishte një gëzhojë në xhepin e tij, u tha në Gjykatën e Kurorës Leicester dhe ADN-ja e tij u zbulua në dy gëzhoja të ngjashëm në një armë gjahu.
Në gjykatë u paraqitën fakte kundër Aliut, i cili në disa foto shihej me armë pistoletë së bashku me një tjetër person në makinë. Kjo pistoletë nuk u gjet kurrë nga autoritetet.
Pamjet gjithashtu e treguan atë në një festë ku qëllonte me një armë.
Prokurori tha se grupi rival që u përpoq të vidhte të korrat e kanabisit nga ndërtesa trekatëshe në Rolleston Street kishte përplasur me forcë grilat e përparme me një furgon, para se të dilnin me duar bosh pasi dy shqiptarët u ishin kundërpërgjigjur.
Kur mbërriti policia kishte kanabis në tokë dhe mbeturina automjetesh të shpërndara në trotuar.
Prokurori tha se fermat fitimprurëse të kanabisit ishin në shënjestër ndonjëherë nga rivalët që donin të vidhnin të korrat dhe kultivuesit morën masa për të mbrojtur bizneset e tyre, të cilat, tha ai, ishin të ngjashme me “paratë që rriten në bimë”.
Ambientet e Rolleston Street u dhanë me qira, në qershor të vitit të kaluar, një qiramarrësi të panjohur që pretendonte të ishte shtetas rumun, duke përdorur dokumentacion të rremë.
Të pandehurit, të dy shtetas shqiptarë pa dënime të mëparshme, pranuan fajin për prodhimin e kanabisit.
Aliu më tej pranoi se posedonte një armë gjahu pa certifikatë armësh zjarri.
Avokati mbrojtës tha se Aliu edhe pse mund ta përdorte armën, nuk shtiu ndaj hajdutëve të kanabisit por zgjodhi që të largohej.
Ndërkohë për Islamin u tha se mbërriti në Mbretërinë e Bashkuar për të fituar para për të paguar trajtimin mjekësor të vajzës së tij të sëmurë, fillimisht duke punuar në ndërtim, por për shkak të Covid puna u ndal dhe “në dëshpërim” ai pranoi të shkonte në Leicester për të kujdesur për bimët.
Të dy burrat u tha se ishin të etur për t’u kthyer tek familjet e tyre në Shqipëri. Aliu u burgos për pesë vjet e dy muaj. Islami u burgos për dy vjet e gjysmë. /abcnews.al/
