Balla: Duhet të vinte Edi Rama për t’i dhënë Elbasanit një mushkëri të re

schedule16:36 - 12 Prill, 2021

schedule 16:36 - 12 Prill, 2021

Kreu i grupit Parlamentar Socialist Taulat Balla, në takimin elektoral zhvilluar në Elbasan deklaroi se ky 4-vjeçar sipas tij do të jetë 4-vjeçari i këtij qyteti.

Gjatë fjalës së tij, Balla i bëri thirrje qytetarëve që të votojnë kryeministrin Edi Rama, Partinë Socialistë për të vijuar transformimin e Elbasanit.

“Duhet të vinte Edi Rama për t’i dhënë qytetit një mushkëri të re. Por sa herë që ne bëjmë një punë vijnë ata që merren me fjalë. Punët e mëdha për transformimin e Elbasanit janë vetëm në fillim. Ky 4-vjeçar që vjen do të jetë 4-vjeçari i Elbasanit.

 

Unë nuk gjej një arsye përse një qytetar nga Elbasani duhet të votojë listën e PD, ata janë ca njerëz që siç erdhën dhe ikën.

Ndërkohë lista e Partisë Socialiste ka njerëz që kanë studiuar jashtë Shqipërisë dhe vendosën të rikthehen për të dhënë kontributin e tyre”, tha Balla, ndërsa shtoi se vetëm Edi Rama dhe PS mund ta çojnë përpara reformën në drejtësi.

/abcnews.al/