Gazetari i njohur Alfred Lela është rrëzuar nga lartësia pasditen e sotme në Munellë, në Gjegjan të Pukës. Alfred Lela ka qenë bashkë me tre persona të tjerë mes të cilëve Ndoc Mulaj dhe Ilir Shyti, përfaqësues i shoqatës për Mbrojtjen e Rreqebullit të Ballkanit.
Ndërkohë personi i tretë që ka qenë bashkë me ta, rezulton i zhdukur. Kërkimet po vazhdojnë ende por gjetja bëhet akoma më e vështirë për shkak të errësirës dhe terrenit të vështirë.
Burime bëjnë me dije se Alfred Lela ndodhet në gjendje të mirë shëndetësore.Ka qenë pikërisht ai që ka dërguar vendndodhjen për forcat e policisë që janë nisur menjëherë drejt vendngjarjes.
Megjithatë terreni i vështirë malor ka vështirësuar ndërhyrjen e tyre. Lela dhe tre personat e tjerë ishin nisur për të bërë një reportazh për masivin pyjor të Munellës, pretendent për t’u futur në listën e zonave të mbrojtura. m.v/Abcnews.al
