Aubameyang vendosi të largohej nga Chelsea dhe zgjodhi një klub të ri

Sulmuesi gabonez, Pierre-Emerick Aubameyang ka vendosur të largohet nga Chelsea. Siç u bë e ditur për gazetarët e Sport.es, sulmuesi afrikan dëshiron të rikthehet te Barcelona. Rikthimi në Camp Nou është prioriteti i sulmuesit për verën e ardhshme.

Nga ana tjetër, lidershipi i katalanasve është gati të shqyrtojë kandidaturën e Aubameyang në rast të një ndërprerjeje në transferimin e brazilianit Vitor Roque.

Kujtojmë se Pierre-Emerick mbrojti ngjyrat e ekipit katalanas nga janari deri në shtator 2022. Sulmuesi mori pjesë në 24 ndeshje për Barcelonën, duke shënuar 13 gola dhe një asistim. /G.D abcnews.al/