Atentati ndaj administratorit të shkollës në Tiranë, arrestohet autori

Është arrestuar autori që qëlloi me tre plumba drejt makinës së administratorit të një shkolle private në Tiranë, Lulzim Masha.

Policia njofton se ka arrestuar 31-vjeçarin, Skedri Tasi, i cili akuzohet për Vrasja me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit.

Më datë 18.01.2022, Skerdi Tasi ka qëlluar me armë zjarri në drejtim të Lulzim Mashës.

Lexo edhe: Atentat pronarit të shkollës private në Tiranë? Si u shpëtoi plumbave 63 vjeçari, autori iku në këmbë

Administratori i shkollës private në Tiranë i ka parë lëvizjet e autorit, ndërsa në dëshmi ka thënë se ai nuk i ka folur fare por e ka qëlluar direkt. 63 vjeçari ka rrëfyer identitetin e autorit, por nuk dihet ende emri pasi ai nuk e ka njohur. Para hetuesve, 63-vjeçari, është shprehur se autori është rreth 25 vjeç dhe me mjekër.

Lexo edhe: Plumbat në drejtim të tij administratorit të shkollës private, kjo është makina me të cilën po udhëtonte

Masha po udhëtonte i vetëm në makinë kur autori ka qëlluar drejt makinës së tij. Drejt tij është qëlluar me 3 plumba, ku 2 prej plumbave kanë kapur makinën tip “Benz” me të cilin po lëvizte Masha. Burime bëjnë me dije se arma e përdorur është e kalibrit të vogël, jo me silenciator. Në të gjitha pikat hyrëse-dalëse të Tiranës janë ngritur pika kontrolli me qëllim kapjen e autorit. Grupi hetimor është duke sekuestruar çdo provë të mundshme materiale që do të shërbejë për identifikimin e autorit të ngjarjes.

Njoftimi i policisë

Specialistët për Hetimin e Krimeve në Komisariatin e Policisë Nr. 1 bënë ndalimin e shtetasit:

– S. T., 31 vjeç, për veprat penale “Vrasja me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”. Ky shtetas me datë 18.01.2022, te nënkalimi te Liqeni i Thatë, ka qëlluar me armë zjarri në drejtim të mjetit me drejtues shtetasin L. M., 63 vjeç.

/abcnews.al/