83 karikaturat e artistit të ri Endri Beqo ironizojnë dy fenomene dramatike që bota po kalon, pandeminë dhe luftën. Artisti në një intervistë për Abc thotë se të ardhurat nga punët e shitura të ekspozitës do i dhuroi për fëmijët në Ukrainë.
Artisti Endri Beqo prej 17 vitesh i është dedikuar artit të karikaturës. Për të spikatur si një zë ndryshe, atë e shfaq edhe në pamje. Tehu i humorit të karikaturistit të ri dhe premtues përqendrohet në dy fenomene dramatike që bota po kalon, pandemia dhe lufta.
Frika, izolimi , procesi i vaksinimit , vijnë me një dozë ironie në ciklin prej 83 pikturash me ngjyra dhe bardh e zi. Diktatorin e ri, Putinin, Beqo e sjell si “pjellë” e Hitlerit në karikaturën e tij.
Protestën për luftën në Ukrainë e shpreh përmes një tabloje të madhe, në formë teatri ku i thuhet jo luftës po paqe dhe kërkohet barazi për njerëzimin. Edhe pse karikaturat janë shpotitëse , në to ndihet dhimbja dhe shqetësimi i autorit i cili e ka përmbledhur edhe në një film të animuar.
Ndërkohë që të ardhurat që do të mblidhen nga shitja e këtyre punimeve që prezantohen në Galerinë e Tiranës artisti synon t’i dhuroi për fëmijët në Ukrainë. /abcnews.al/
