Loading ...
Astronautët e anijes Artemis II të NASA ndezën motorët e tyre dhe u nisën zyrtarisht drejt hënës të enjten në mbrëmje, për herë të parë pas pesë dekadave.
E ashtuquajtura ndezje trans-hënore ndodhi 25 orë pas nisjes, duke i vendosur tre amerikanët dhe një kanadez në rrugën e duhur për një fluturim rreth hënës në fillim të javës së ardhshme. Kapsula e tyre Orion doli nga orbita rreth Tokës menjëherë pas sinjalit dhe ndoqi hënën gati 400,000 kilometra larg.
“Zonja dhe zotërinj, jam shumë, shumë e emocionuar që mund t’ju them se për herë të parë që nga viti 1972 gjatë Apollo 17, qeniet njerëzore kanë lënë orbitën e Tokës”
Motori u ndez pa probleme. Astronauti kanadez Jeremy Hansen tha se ai dhe shokët e tij të ekuipazhit ishin ngjitur pas dritareve të kapsulës ndërsa largoheshin nga Toka në pasqyrën e pasme, duke shijuar pamjet “fenomenale”.
“Njerëzimi ka treguar edhe një herë se çfarë jemi të aftë të bëjmë dhe janë shpresat tuaja për të ardhmen që na çojnë tani në këtë udhëtim rreth hënës”
Kapiteni Reid Weisman e quajti momentin spektakolar.
“Mund ta shihnim të gjithë globin nga poli në pol, mund të shihnim Afrikën, Evropën dhe dritat veriore. Ishte momenti më spektakolar dhe na la të katër pa fjalë”
NASA e detyroi ekuipazhin e Artemis II të qëndronte pranë Tokës për një ditë për të testuar sistemet e mbështetjes së jetës së kapsulës së tyre përpara se t’i jepte leje për nisjen hënore. Tani i drejtuar për në hënë, fluturimi provë Artemis II është akti hapës i planeve të mëdha të NASA për një bazë në hënë dhe një jetë të qëndrueshme hënore.
Komandanti Reid Wiseman, piloti Victor Glover, Christina Koch dhe Hansen do të kalojnë me shpejtësi pranë hënës, pastaj do të bëjnë një kthesë U dhe do të kthehen me shpejtësi drejt e në shtëpi pa u ndalur në tokë. Gjatë këtij procesi, ata do të shkojnë në distancën më të largët që njerëzit kanë udhëtuar ndonjëherë nga Toka, duke thyer rekordin e distancës së Apollo 13 të vendosur në vitin 1970. Ata gjithashtu mund të bëhen më të shpejtët gjatë rikthimit të tyre në fund të fluturimit më 10 prill.
