Artefaktet e lashta të Izraelit të huazuara nga Shtetet e Bashkuara për një ekspozitë në Shtëpinë e Bardhë përfunduan në rezidencën e Donald Trump në Mar-a-Lago, Florida, sipas një raporti të një gazete izraelite.
Siç raportoi Haaretz të martën, artefaktet pjesë e koleksionit të thesareve kombëtare të Izraelit, ishin dërguar në Uashington me miratimin e drejtorit të atëhershëm të Autoritetit të Artefakteve të Izraelit, Israel Hasson, për t’u përdorur në një event në Shtëpinë e Bardhë në dhjetor të vitit 2019, kur Donald Trump ishte president i SHBA-së.
Në fund, objektet nuk u ekspozuan, por kthimi i tyre i planifikuar në Izrael u shty për shkak të pandemisë së koronavirusit, në fillim të vitit 2020.
Siç raportoi Saul Fox, një donator i madh hebre për autoritetin e artefakteve që mori pjesë në eventin e Hanukkah 2019 me Trump, i është kërkuar të kujdeset për sendet derisa të bëhet i mundur kthimi i tyre i sigurt.
Megjithatë, siç u informua autoriteti izraelit, sendet kishin përfunduar në rezidencën e ish-presidentit në Florida, ku FBI kishte zbuluar së fundmi kuti kartoni plot me dokumente të klasifikuara.
Nuk është e qartë se si përfunduan ato në Mar-a-Lago, apo nëse e gjithë kjo është bërë me dijeninë e Trump. Sipas Haaretz, përpjekjet e zyrtarëve izraelitë për të kthyer artefaktet deri më tani kanë qenë të pasuksesshme.
/abcnews.al
