Policia ka arrestuar tre persona në Fier. Blutë sqarojnë se të arrestuarit akuzohen për vepra të ndryshme penale.
Ndërkaq, një prej të arrestuarve ditën e djeshme ka aksidentuar një 77-vjeçare, e cila ndodhet nën kujdesin e mjekëve.
Dy të arrestuarit e tjerë janë kapur duke drejtuar mjetin në gjendje të dehur.
Njoftimi i policisë:
Fier
Specialistët e Sektorit të Qarkullimit Rrugor në DVP Fier, arrestuan në flagrancë shtetasit:
- H. Sh., 52 vjeç, banues në Fier.
Arrestimi i këtij shtetasi u bë pasi në lagjen “Kastriot”, Fier, u kap duke drejtuar në gjendje të dehur mjetin tip “Toyota”.
- K. L., 31 vjeç, banues në Lushnje.
Arrestimi i këtij shtetasi u bë pasi u kap në qytetin e Divjakës duke drejtuar në gjendje të dehur mjetin tip “Ford”.
- F. T., 46 vjeç, banues në Fier.
Arrestimi i këtij shtetasi u bë pasi ditën e djeshme, në fshatin Frrakull e Madhe, Fier, duke drejtuar mjetin tip “Ford” ka aksidentaur shtetasen S. Ç., 77 vjeçe, e cila ndodhet në spital në Tiranë nën kujdesin e mjekëve.
Materialet e kaluan Prokurorisë pranë Gjykatës së Shkallës së Parë Fier për veprime të mëtejshme proceduriale.
