Ministri i Drejtësisë Ulsi Manja ka folur në lidhje me arrestimin e drejtorit të komanduar të burgut të Reçit Ervis Zika.
“Ne vazhdojmë punën por persona që marrin detyrën dhe bien në konflikt me ligjin janë në duart e drejtësisë”, tha Manja në një dalje për mediet.
Lexo edhe: Arrestohet drejtori i komanduar i burgut të Reçit në Shkodër
Zika u arrestua mbrëmjen e djeshme nga Shërbimi i Kontrollit të Brendshëm të Burgjeve. Urdhri për arrestimin është dhënë nga prokuroria e Rrethit Gjyqësor Shkodër.
Gjykata e Shkodrës ka caktuar “arrest me burg” dhe “Pezullimi i ushtrimit të një detyre a shërbimi publik”, i dyshuar për shpërdorimin e detyrës.
Lexo edhe: Burgu i Reçit s’gjen qetësi, nga greva e të dënuarve te arrestimet e punonjësve dhe drejtorëve
/abcnews.al
