Teuta mori humbjen e dytë me “poker” në kampionat, ku pas Partizanit ishte radha e Vllaznisë të shënonte plot 4 gola në portën e Qirkos.
Djemtë e detit po kalojnë një moment të vështirë në kampionat, ndërsa mund të rrezikojnë edhe mbijetesën nëse nuk arrijnë të bëjnë kthesën ndaj Dinamos, skuadër me të cilën do të përballet në javën e 21-të të kampionatit.
Ndërkohë trajneri Renato Arapi përveç humbjes, për ndeshjen e radhës ka humbur edhe shërbimet e dy mbrojtësave. Blerim Kotobelli u ndëshkua me karton të verdhë duke plotësuar numrin katër duke u pezulluar për këtë duel, ndërsa Harallamb Qaqi i afruar në janar u ndëshkua me karton të kuq për shkak se bëri një ndërhyrje të gabuar në fundin e lojës ndaj Aralicës.
Sfida me Dinamon do të luhet ditën e diel në orën 16:45 dhe skuadra e Teutës duhet të bërë të njohur edhe stadiumin ku do të zhvillohet ndeshja pasi është skuadra pritëse. /f.a/abcnews.al
