Arabia Saudite njofton Trumpin se dëshiron të investojë 600 miliardë dollarë në SHBA

Presidenti amerikan, Donald Trump, ka zhvilluar të mërkurën një bisedë telefonike me Princin e Kurorës të Arabisë Saudite, Mohammed bin Salman, sipas një njoftimi nga qeveria saudite.

Sipas deklaratës saudite, Bin Salman, ka uruar Trumpin për inaugurimin e tij dhe ka uruar “progres dhe prosperitet” për popullin amerikan nën udhëheqjen e tij, raporton BBC.

Të dy diskutuan stabilitetin në Lindjen e Mesme dhe përpjekjet për të luftuar terrorizmin, njofton më tej deklarata.

Princi ka shtuar se mbretëria dëshiron të investojë rreth 600 miliardë dollarë në SHBA gjatë katër vjetëve të ardhshme.