Kur të gjitha kampionatet e tjera të Europës po mundohen të rifillojnë sa më shpejt, Franca, Holanda dhe Belgjika kanë anuluar gjithçka. E si pasojë, problematikat nuk kanë munguar. Në Francë, presidenti i Lyon, Jean-Michel Aulas, nuk është përmbajtur aspak.
“Shumë shtete kanë vendosur të presin, me qëllim rifillimin e futbollit. Ne nuk jemi në rrugën e duhur. Duhet të presim deri në fund të gushtit, ndoshta deri në fillim të shtatorit, kampionati duhet përfunduar.
Me një përllogaritje të vogël, që dhe unë e kam bërë vetë në shtëpi, kuptohet se futbolli francez ka humbur plot 700 milion euro nga ky vendim i Qeverisë për të anuluar sezonin”, tha mes të tjerash numri një i Lyon./abcnews.al
