Pas një sezon të mirë, ku deri më tani kanë arritur triumfiun në Carabao Cup, çerek-finalet e Europa League dhe finalen e FA Cup, anësori i “djajve të kuq”, të Manchester United, Antony ka thënë në prag të ndeshjes ndaj Tottenham se grup i “djajve” mund të arrijë suksesin në Premier League sezonin e ardhshëm.
Sipas brazilianit, ekipi kaloi një periudhë të vështirë këtë sezon, me grupin e lojtarëve dhe teknikun që ishin totalisht të rinj, teksa shpreson që do të jenë në gjendjen për të luftuar për titullin kampion vitin tjetër.
“Ne i dimë cilësitë tona. Ne jemi gati dhe mendojmë se mund të luftojmë për titullin e Premier League sezonin e ardhshëm. Është shumë e rëndësishme për ne.
Këtë sezon kemi treguar se çfarë jemi të aftë. Ky është sezoni i përshtatjes, kemi një trajner të ri dhe lojtarë të rinj. Sapo gjërat të rregullohen, shpresojmë se do të jemi në gjendje të luftojmë për titullin”,- tha “fantazisti” i Manchester United. /i.m /abcnews.al
