Sekretari amerikan i Shtetit Anthony Blinken do të bëjë një vizitë dy-ditore në Turqi duke filluar nga e diela, si pjesë e turneut të tij rajonal dhe kontaktit diplomatik të fokusuar në konfliktin Hamas-Izrael.
Sekretari amerikan i Shtetit do takohet sot me homologët e tij arabë në kryeqytetin jordanez Aman, një ditë pas vizitës së tij në Izrael.
Ministrat e jashtëm të Arabisë Saudite, Katarit, Emirateve të Bashkuara Arabe, Egjiptit dhe Jordanisë, si dhe përfaqësuesit palestinezë, theksojnë “pozicionin arab që bën thirrje për një armëpushim të menjëhershëm, dërgimin e ndihmave humanitare dhe mënyrat për t’i dhënë fund përkeqësimit të rrezikshëm që kërcënon sigurinë në rajon”, tha ministria në një deklaratë dje.
Në një takim me Blinken në Aman më herët sot, kryeministri i përkohshëm i Libanit, Najib Mikati, theksoi nevojën për të punuar për një armëpushim në Gaza dhe për t’i dhënë fund asaj që ai e përshkroi si agresion izraelit në Libanin jugor, sipas njoftimit nga zyra e Mikatit.
