Loading ...
Njohja e një shteti të Palestinës nga Britania e Madhe dhe Franca në Kombet e Bashkuara është një moment historik në konfliktin shekullor izraelito-palestinez.
Por, është gjithashtu një hap diplomatik i rrezikshëm që tregon se si fuqitë kryesore evropiane besojnë se konflikti ka arritur një pikë ku kërkohet një veprim kaq i paprecedentë.
Përballë katastrofës aktuale në Gaza, dhe duke dënuar si Izraelin ashtu edhe Hamasin, presidenti francez, Emmanuel Macron tha se “e drejta duhet të mbizotërojë mbi forcën”.
Veprimi i tij, i koordinuar me Mbretërinë e Bashkuar dhe nën sponsorimin e Arabisë Saudite, synon të mbajë gjallë zgjidhjen me dy shtete, shkruan bbc.
Ata besojnë se kjo formulë e kahershme ndërkombëtare për paqe është i vetmi rrugëtim drejt një të ardhmeje të drejtë dhe të përbashkët për të dy shoqëritë.
Alternativa, tha Sekretari i Përgjithshëm i OKB-së, Antonio Guterres në një konferencë të OKB-së në New York, është një zgjidhje me “një shtet”, që do të thotë dominim izraelit dhe “nënshtrim” i palestinezëve.
