Pas rikthimit të paqes në Kuvend kryeministri Edi Rama beson se i ka votat e nevojshme dhe për të kaluar amnistinë penale në Parlament.
“Amnistia është në tryezën e Kuvendit dhe atë besoj unë do ta votëojnë që të gjithë se nuk kanë ku shkojnë pa e votuar se nuk është puna se do të votojnë për Partinë Socialiste, por do të votojnë për një akt që historikish Parlamenti e ka bërë pa ndarje partiake se është një akt që krijon mundësi që shteti të ushtrojë dhe detyrimin Kushtetues të lehtësimit të barrës së dënimit për ata që emeritojnë të shfrytëzojnë këtë detyrim.”
kryeministri Edi Rama iu përgjigj interesit te gazetarëve dhe për propozimin e dhëndrit të ish Presidentit Amerikan Donald Trump për të ndërtuar në Sazan një resort luksoz.
“Ne nuk zgjedhim persona, i referohemi ofertave dhe propozimeve që na bëhen. Transformimi i Sazanit në një xhevahir të kurorës së artë të turizmit mesdhetar është një ambicie e kahershme. Për hirë të vertëtës e kanë pasur dhe qeveritë e parardhës të mitë nuk është bërë ende realitet. Më parë ka qenë e paimagjinueshme të afroheshin investitorë seriozë në Shqipëri për të zhvilluar turizmin”
Aplikimi është bërë në Agjencinë e Investimeve të Huaja dhe sipas kryeministrit do të miratohet pas shqyrtimit nëse zhvillimi është në ekuilibër me natyrën.
“Ne kemi në tavolinë një ofertë fantastike. Flasim për një aplikim që do e shqyrtojmë, do të negociojmë pjesëmarrjen e shtetit në atë investim
Kryeministri Rama pati dhe një përgjigje dhe për kritikët për investimin në Portin e Durrësit.
“Jemi në kushte që shqiptarët janë pjesë e invesitmit në portin e Durrësit se aty përmes shtetit që është aksioner nuk është bërë asnjë falje, se porti ka qenë është dhe mbetet i Shqipërisë dhe shqiptarëve”
Kryeministri i bëri këto deklarata pas takimit me drejtuesit politike te Qarqeve me të cilët diskutoi për objektivin e vendosur në Asamblenë Kombëtare të Partisë Socialiste sigurimin e 50 mijë anëtarëve deri në muajin qershor./abcnews.al
