Në një deklaratë për mediat ambasadori Italian Alberto Cutillio ka deklaruar se kriza politike e krijuar në Shqipëri pas djegies së mandateve të opozitës, ndikon negativisht në përthithjen e investitorëve në Shqipëri.
Cutillio i bëri thirrje kundërshtarëve politik ta zgjidhin krizën e krijuar përmes një dialogu të sinqertë, përpara se të skadojë afati për marrjen e vendimit në Bashkimin Evropian lidhur me hapjen e negociatave.
“Të dyja palët duhet të dialogojnë, mazhoranca duhet të bëjë një hap përpara për dialog të sinqertë. Dialog nuk do të thotë që mazhoranca të pranojë cdo gjë që thotë opozita, por të avancojë në problemet që ngrenë. Kriza politike mund të ndikojë në vendimin e Brukselit gjithashtu mund të frenojë investitorët që të vijnë në Shqipëri”, tha Cutillo./abcnews.al
