Woody Johnson, ambasadori amerikan në Mbretërinë e Bashkuar, ka akuzuar Kinën për përfshirje në “propagandë të egër dhe të rrezikshme” për koronavirusin, duke thënë se bota mund të ishte kursyer nga ndikimi i plotë që solli virusi në botë nëse zyrtarët kinezë do të tregonin të vërtetën më herët.
Në një pjesë opinioni të botuar në gazetën britanike The Times, Johnson thotë se Kina dështoi në detyrimin e saj ndaj bashkësisë ndërkombëtare për të shpërndarë informacione rreth shpërthimit në mënyrë transparente.
“Së pari (Kina) u përpoq të deformojë lajmin. Pastaj, ajo ka punuar për të mbrojtur popullsinë e vet duke shpërndarë në mënyrë selektive informacion kritik, të tilla si të dhëna për sekuencat gjenetike, dhe ka vazhduar të forcojë autoritetet ndërkombëtare shëndetësore që ofronin ndihmë, duke kërkuar qasje dhe duke kërkuar më shumë informacion, “shkroi Johnson.
“Sikur Kina të kishte bërë gjërat e duhura në kohën e duhur, më shumë nga popullsia e saj dhe pjesa tjetër e botës, mund të ishte kursyer nga ndikimi serioz i kësaj sëmundje.
Ai shtoi se kur kriza të zvogëlohet, do të duhet të bëhet një vlerësim i kostove të “shkatërrimin e bashkëpunimit ndërkombëtar” dhe veprimeve të Kinës.
Kujtojmë se Kina është përballur me kritika si brenda vendit ashtu edhe jashtë vendit për mënyrën se si e trajtoi përhapjen e virusit në javët e para, kur zyrtarët lokalë në Wuhan ndaluan mjekë që u përpoqën të flasin për shfaqjen e një virusi të ri.
Njëri nga ata mjekë, Li Wenliang, vdiq më vonë nga virusi, duke shkaktuar revolta tek njerëzit .
Përgjigja e OBSH ndaj gjithë situates së krijuar : Organizata Botërore e Shëndetit ka pranuar “gabimet” e bëra nga Kina, por zyrtarët e saj kanë vepruar në mënyrë pozitivë për mënyrën se si vendi i është përgjigjur krizës./abcnews.al
