Barcelona fitoi bindshëm kundër Atleticos me shifrat 4-2, një ndeshje që katalanasit treguan fytyrën e vërtetë të tyre, duke u pozicionuar tashmë në vendin e 4-të në La Liga.
Drejtori i Barcelonës, Alemany, trajneri Xavi por edhe vetë lojtarët u shprehen njëzëri se kjo është Barça që të gjithë duan, e cila lufton në çdo cëntimetër të fushës.
“As.com” i ka kushtuar një artikull, veteranit të blaugranave ku analizon në detaj lojën e zhvilluar nga lojtari brazilian.
“Një lojtar kryesorë në këtë ndeshje ishte Dani Alves. Është shumë e vështirë të bësh shumë gjëra me 38 vjet. Kundër Atléticos, në ndeshjen e tij të njëmijtë, ai shënoi, asistoi dhe madje mbajti ritmin e lojës nga pozicioni i tij i rremë në mesfushë.
Pavarësisht përjashtimit, në një lëvizje që mund të ishte shpëtuar dhe në të cilën ai dukej më shumë si një fillestar sesa një futbollist me një mijë ndeshje në elitë, Alves dha leksione futbolli dhe ndezi “Camp Nou”. Për herë të parë pas një kohe të gjatë, Barça luajti futboll të shpejtë. Topi dhe lojtarët kishin një marrëdhënie të mirë, ku në mes të skenës ishte Dani Alves.
I vetëdijshëm se Diego Simeone do të shtrydhte Busquets, Xavi shpiku brazilianin në një pozicion të improvizuar. Alves asistoi me mjeshtëri Jordi Alba për 1-1 dhe në fillim të pjesës së dytë, u shfaq si një uragan në zonë për të bërë rezultatin 4-1 me një predhë. Ai është tashmë lojtari më i vjetër në historinë e Barçës që ka shënuar gol në la Liga. Ditën e kthimit të tij në “Camp Nou” që nuk kishte luajtur që nga viti 2016 rezultoi e duhura. Loja e tij ishte aq e madhe sa tifozët madje ia falën kartonin e kuq për ndjekjen e Carrasco-s nga pas.
“Ishte rigoroz”, tha braziliani me një pamje të pamposhtur në fund të ndeshjes. Jeta e Daniel Alves ka qenë një sfidë e vazhdueshme. Rebel, shkopi i fundit që ka marrë ka qenë kjo javë, kur Xavi e la jashtë listës së Europa League. “Tani jam në një moshë të jetës sime dhe në një kohë kur i marr gjërat ndryshe”, tha ai. Por mund të jetë jashtë lëndinës. Ai shkoi në Camp Nou duke dashur të hante barin kundër Atleticos dhe të tregonte se ai ende mund të fluturojë. Kush mendoi se braziliani erdhi me pushime, sërish gaboi”, shkruan As.com. /f.a/abcnews.al
