Loading ...
Kryeministri Edi Rama ngriti shqetësimin për ndikimin e algoritmeve dhe rrjeteve sociale në demokraci, gjatë fjalës së mbajtur në Forumin Evropian të Inovacionit dhe Sipërmarrjes “Ruhr Summit” në Gjermani.
Rama tha se algoritmet nuk udhëhiqen nga etika profesionale apo nga detyrimi për të sjellë të dhëna të sakta, por nga objektivi për të tërhequr sa më shumë vëmendje.
Ai tha se qeveria ka zgjedhur të dëgjojë me kujdes mesazhet që vijnë nga qytetarët, jo duke numëruar protestuesit apo hashtagët, por duke u përpjekur të kuptojë shqetësimet reale të shoqërisë.
Rama kujtoi se Shqipëria ka kaluar periudha kur protestat kanë qenë të rrezikshme dhe kanë sjellë viktima, por shtoi se më pas protesta u transformua nga ndikimi i algoritmeve dhe rrjeteve sociale.
“Algoritmi nuk ka etikë profesionale, nuk ka një angazhim për të sjellë të dhëna, ka një objektiv. Indinjata thuajse ka rezultate më të mira se nuanca, dikush që thyen një piano tërheq më shumë vëmendje sesa një pjesë nga Mozarti. Në rastin e parë salla është plot, në rastin e dytë thuajse është bosh.
Frika është më e shpejtë sesa të dhënat. Siguria udhëton më larg se e vërteta. Konspiracioni është më shumë sesa arsyetim, sepse qeniet racionale marrin gjithnjë e më shumë vendime.
Algoritmi nuk e urren demokracinë, thjesht nuk e di çfarë është. Vendi ynë u kthye në laborator të kësaj gjëje, revolucioni i flamingos.
Është një mesazh për mua dhe qeverinë dhe po përpiqemi të dëgjojmë me shumë kujdes këtë mesazh, jo duke numëruar njerëzit në rrugë apo hashtagët, por duke u përpjekur të kuptojmë shqetësimet.
Çdo konkluzion që kemi arritur, në fakt nuk mund të themi që ka arritur te një gjë e vlefshme, sepse ka pjesë në transformimin demokratik.
Ne erdhëm në një periudhë kur protestat ishin të rrezikshme, në të njëjtin bulevard kishim njerëz që u vranë jo shumë kohë më parë.
Por dua të them se pas gjithë kësaj të mire erdhi e keqja. Modeli i biznesit të protestës hyri në modifikimin algoritmik dhe u shndërrua në arenën e aktorëve dashakeq. Çdo zë u kthye në angazhim.
Konteksti u zhduk, kompleksiteti u zhduk dhe protesta online ishte një demonstrim më i madh dhe miliona njerëz që nuk kishin vënë këmbë në Shqipëri përjetuan algoritmin.
Shtrembërimi dhe zëvendësimi i realitetit është më i rrezikshëm. Demokracitë janë duke dëmtuar veten, sepse demokracitë e mëdha, ku nuk ka dyshim që ka demokraci në veprim, ende nuk kanë gjetur kurajon për të bërë dallimin mes lirisë së fjalës dhe shpërndarjes.”
