Ashtu siç edhe pritej sulmuesi shqiptar Albian Ajeti është prezantuar si lojtari më i ri i skuadrës angleze te Uest Hem. Futbollisti 22 – vjeçar u transferua në Londër nga skuadra e Basel për shifrën e 8 mln paund. Zyrtarizimi erdhi vetëm në ditën e fundit të merkatos në Angli. Ajeti ka nënshkruar me klubin e Uest Hem një kontratë katër vjeçare dhe pritet të startoje si titullar. Sulmuesi premtues zhvilloi një sezon të shkëlqyer me Basel. Në garën për ish futbollistin e Basel ishte edhe Aston Villa por në fund fitoi klubi londinez. Ajeti hodhi hapin me të madh në karrierë me kalimin në futbollin anglez dhe tek një skuadër me histori dhe traditë në Premier League. Kujtojmë që Ajeti është pjesë e kombëtares së Zvicrës prej vitit të kaluar ndërkohë që më parë ka qenë në tratativa për të luajtur me kombëtaren shqiptare./ABC News Albania 24/7
