Akuza e AMP mund ta shpëtonte edhe me gjobë, por sa vite burg pritet të dënohet polici që vrau 7-vjeçaren pas ndërhyrjes së Prokurorisë?

schedule17:13 - 4 Gusht, 2022

schedule 17:13 - 4 Gusht, 2022

Prokuroria e Vlorës ka kërkuar që polici që vrau me skaf 7-vjeçaren të hetohet me akuzën për veprën penale vrasje me dashje, ndërsa ka kërkuar masën e arrestit me burg. Vrasja e kryer me dashje dënohet me burgim nga dhjetë gjer në njëzet vjet, sipas Nenit 76 në Kodin Penal.

Në këtë mënyrë Prokuroria e Vlorës kundërshton qëndrimin e AMP-së, e cila kategorizoi dje ngjarjen në Himarë si “vrasje nga pakujdesia”.

Masa e sigurisë ndaj Arjan Tase pritet të zhvillohet ditën e premte ora 10:30 në gjykatën e Vlorës. Seanca drejtohet nga gjyqtare Viola Canaj, ndërsa prokurore Eranda Laze.

Lexo edhe: Polici Arjan Tase mund t’ja hedhë edhe me një gjobë për vrasjen e 7-vjeçares, çfarë dënimi parashikohet për të?

Nga burime të Prokurorisë pritet që kjo e fundit te ndryshojë akuzën nga vrasje nga pakujdesia në vrasje me dashje për ish-efektivin e policisë. Kjo për shkak se sipas hetimeve të kryera ka rezultuar se Tase është futur në një perimetër ku nuk lejohen mjetet lundruese.

Nga burime mësohet së janë edhe tre dëshmi në Dosjen e Prokurorisë rreth faktit si ka ndodhur ngjarja. Ndërkohë në dosje janë edhe aktet e ekspertimit mjekoligjor dhe aktit për kqyrjen e gomones. Megjithatë pritet zhvillimi i seancës gjatë ditës së premte ne gjykatë.

/abcnews.al/