Tërmeti i 26 nëntorit shkaktoi dëme të konsiderueshme edhe në disa prej shkollave të kryeqytetit. Në shkollën “Kongresi i Lushnjes”, akt-konstatimi i bërë me 3 dhjetor e nxjerr objektin të pabanueshëm, ndëkrohë që mësimi vijon normalisht. Prindërit për shkak të frikës nuk i dërgojnë fëmijët në shkollë.
Pavarësisht se ky akt-konstatimi i datës 3 dhjetor i bërë nga grupet e inspektimit të Institutit të Ndërtimit e shpall objekt të pabanueshëm, mësimi tek “Kongresi i Lushnjes” nuk është pezulluar.
Nxënësit shprehen se ndihen të frikësuar të bëjnë mësim në këtë shkollë ndaj dhe kanë bojkotuar mësimin
Edhe prindërit shprehen se prej disa ditësh nuk i kanë sjellë fëmijët në shkollë nga frika.
Prindërit e nxënësve të shkollës “Kongresi i Lushnjës” zhvilluan takim me drejtoreshën duke i kërkuar asaj që të bëhet një ekspertizë e dytë e shkollës, në të kundërt fëmijët e tyre do vijojnë bojkotin e mësimit./abcnews.al
