Aksioni i IKMT-së në Orikum, përplasje mes pronarëve dhe policisë

13:45 | 30/09/201913:450

Aksioni i IKMT për prishjen e disa objekteve pranë bregdetit në zonën e Orikumit është kundërshtuar nga banorët. Këta të fundit u përplasën me policinë për disa orë. Pronarët e objekteve që pritet të shemben, pretendojnë se aksioni është selektiv dhe se nuk kanë dijeni për projektin që prek pronat e tyre.

U duk sikur çdo gjë do shkonte mirë. Por tre orë pasi fadromat e IKMT kishin hedhur në tokë disa kashtore plazhi, nisi tensioni. Pronarët e bizneseve në Orikum bllokuan fadromën. Mjeti përfundoi në det dhe u rrethua nga një grup njerëzish të acaruar.

Forca të shumta policie dhe Forcat e Ndërhyrjes së Shpejtë që ndodheshin në zonë mëngjesin e së hënës, ndërhynë për të shmangur konfliktin mes palëve. Kjo grua tha se nuk ishte në dijeni për shembjen e objektit të saj me të cilin ushqen fëmijët.

Ata kërkojnë të njihen me projektin dhe pretendojnë që IKMT po bën shembje selektive. Edhe kryetari i operatorëve turistikë në Vlorë Vasil Bediani doli në mbrojtje të pronarëve dhe familjarëve të tyre. Kur konflikti nisi të përshkallëzohej policia shoqëroi dy persona të cilët më pas i la të lirë. Por disa të tjerë morën fëmijët dhe u ulën në bregdet .

IKMT është shprehur se i ka njoftuar të gjithë banorët për këtë aksion. Në fillim të muajit Shtator, IKMT nisi prishjen e ndërtimeve në bregdet nga zona e Ujit të Ftohtë, aty ku është parashikuar projekti i Lungomare 2 që do të shtrihet deri në afërsi të tunelit në Vlorë./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono