Katër femra humbën jetën në një aksident të rëndë rrugor në Elbasan-Peqin, kurse dy të tjerë janë të plagosur. Viktima janë Fatime Hoxha, Jonida Kotorri, Lume Hoxha dhe Fatushe Agolli.
Ngjarja tragjike ndodhi pas përplasjes së tre makinave. Dy të plagosurit, Oltion Shehi dhe Gëzim Kotorri janë jashtë rrezikut për jetën dhe janë dërguar në spital për ndihmë mjekësore.
Në vendngjarje shkuan policia, ambulancat dhe zjarrfikësit. Më pas edhe një grup hetimor. Ende nuk dihen rrethanat e këtij aksidenti. Po punohet për përcaktimin e shkaqeve të tij.
/ABC News Albania 24/7
