Pak minuta më parë një aksident i rëndë ndodhi në aksin Korçë – Pogradec, në afërsi të fshatit Çiflig.
Si pasojë e këtij aksidenti, fillimisht u raportua për dy të plagosur, ndërsa së fundmi raportohet se një 16 vjeçar që ka qenë pasagjer ka humbur jetën.
LEXO EDHE: Aksident në aksin Korçë – Pogradec, dy të plagosur
Gazetari ABC News, Roland Beqiraj mëson se viktima është Rei Sherifi.
Po ashtu i plagosur rëndë është edhe shoferi, i cili është vëllai i viktimës. I plagosuri është dërguar me urgjencë në spitalin e Korçës.
Sipas informacioneve të para, makina me dy vëllezërit ka dalë nga rruga duke marrë përpara fillimisht barrierat anësore dhe më pas përfundon në kanal.
Njoftimi i policisë:
Korçë/Informacion paraprak
Më datë 21.04.2023, rreth orës 12:05, në rrugën “Dishnicë-Çiflig”, shtetasi K. Sh., 21 vjeç, banues në fshatin Pojan, Maliq, duke drejtuar automjetin tip “BMW”, dyshohet se ka humbur kontrollin e drejtimit të automjetit dhe automjeti ka dalë nga rruga.
Për pasojë, janë dëmtuar drejtuesi K. Sh., i cili ndodhet nën kujdesin e mjekëve dhe shtetasi R. Sh.,15 vjeç, pasagjer në automjet, i cili pas mbërritjes në spitalin e Korçës, ka ndërruar jetë.
Grupi hetimor po kryhen veprimet procedurale dhe po punon për të përcaktuar shkaqet e daljes nga rruga.r.t/abcnews.al
