Viti i kaluar ishte fantastik për Bayern Munchen. Rekordmenët e Gjermanisë dominuan çdo kundërshtar dhe fituan 5 trofe (titullin, Kupën e Gjermanisë, Champions League, Superkupën e Gjermanisë dhe Superkupën e Europës).
Në verë klubi kreu disa përforcime. Emra si Douglas Costa (rikthim), Leroy Sane, Marc Roca dhe Bouna Sarr zbarkuan në Bavari, por deri tani nuk ia kanë dalë të japin më të mirën e tyre. Rreth kësaj çështje ka reaguar Hans-Dieter Flick, trajneri i Bayern.
“E kam shpjeguar edhe më parë se pse këta lojtarë kanë hasur vështirësi në fillim. Skuadra ime ka një filozofi loje të guximshme dhe luan një futboll me intensitet të lartë. Kjo kërkon një nivel të lartë gatishmërie, por të gjithë janë profesionistë.
Lojtarët e ardhur kohët e fundit kanë nevojë për kohë, pasi ata u bashkuan vonë me ne. Mos harroni edhe diçka, jemi ne atë që ndodhen në vend të parë në kampionat“, deklaron trajneri i Bayern Munchen. /abcnews.al
