Ditën e sotme, gjashtë të arrestuarit për aferën e abuzimit me naftën përballen me gjykatën, në një seancë për verifikimin e masave të sigurisë. Disa ditë më parë, gjyqtari Kastriot Gamshi u caktoi masat e sigurisë në mungesë.
Gjykata duhet të verifikojë identitetin e personave për të cilët është ngritur akuzë nga prokuroria e Tiranës.
Ndërkohë, gazetarja Glidona Daci raporton se deri më tani nuk ka prova të reja nga ana e prokurorisë së Tiranës, edhe pse hetimet vijojnë.
Disa prej zyrtarëve të Agjencisë Kombëtare të Burimeve Natyrore akuzohen për “mashtrim me pasoja të rënda”, “Shpërdorimi i detyrës”, “Moskryerja e detyrave nga organet tatimore”, “Mashtrimi” i kryer në bashkëpunim, “Kondrabanda me mallra për të cilat paguhet akcizë ose me pezullim të plotë ose të pjesshëm nga detyrimet doganore ose të akcizës”, “Fshehja e të ardhurave”.
Mendohet se dëmi i shkaktuar ndaj shtetit është mbi 1 milion dollarë, ndërsa hetimet kanë zgjatur 4 vjet e gjysmë.
Roli i të akuzuarve:
-Denis Durrsi, ka patur rolin e Drejtorit të Auditit.
-Qani Hoxhaj, Drejtor Hidrokarburesh
-Arben Doda, inspektor tatimesh në Drejtorinë Rajonale Tiranë
-Naim Kasa, biznesmen në një kompani fantazmë.
-Rezarta Sulejmani, specialiste te AKBN. /abcnews.al/
