Vllaznia luan nesër në Shkodër ndeshjen e dytë ndaj Siroki Brijeg për raundin e parë të Conference League, pas humbjes në ndeshjen e parë me shifrat 3-1 pas shumë polemikash për gjykimin. Sot para mediave doli Mevlan Adili. Mbrojtësi tregon se e nesërmja do jetë ndeshje krejt tjetër.
“E dimë çfarë ndeshje na pret. E dimë se duhet të përgjigjemi pozitivisht. Jemi optimist për ndeshjen e nesërme. Tifozët janë arma më e fortë e Vllaznisë dhe besoj se ardhja e tyre na gëzon shumë sepse na kanë munguar shumë gjatë këtyre dy viteve.
Me ta do jemi më të fortë dhe mund t’ia dalim bashkë. Shanset janë të mëdha. Ata na kanë shënuar tre dhe ne mund t’i shënojmë atyre gjithashtu. Mrekullia është mes nesh dhe ne mund të besojmë. Ndeshjen e fundit nuk ishim agresiv dhe kjo na penalizoi.
Duhet të jemi më agresiv. Sa i përket gjyqtarit atje nuk dua të komentoj fare sepse nuk e kam bërë asnjëherë. Duhet të dimë diçka sepse këto gjëra po ndodhin edhe në kompeticionet dhe na bën të tregojmë respekt për arbitrat vendas dhe të ndryshojmë qëndrimin për arbitrat vendas.
Kanë pasur shumë raste sepse nuk ishim agresiv. Edhe po të vijnë me të njëjtin arvbitër në Shkodër, nuk i kemi frikë farë sepse kemi tifozët. Nuk do e kenë të lehtë siç e patën në Bosnje. Duhet të jemi agresiv dhe këmbëngulës në që nga minuta e parë, e kemi biseduar edhe me trajnerin”, u shpreh Adili. /abcnews.al
